Kata Pengantar tu Bagian 7
Cerita di bagian on masa saleleng 80 taon. Dipaboa ma taringot Raja Saul dohot Raja Daud. Mulana, burju do si Saul jala mabiar tu Debata. Alai di pudian ni ari, muba do ibana. Ndang ditangihon ibana be Jahowa. Gabe ndang lomo be roha ni Jahowa tu ibana. Di sada tingki, disuru Jahowa ma asa dipillit si Samuel raja na baru laho manggantihon si Saul. Dipillit ma si Daud. Gabe muruk ma si Saul jala naeng dibunu ibana ma si Daud. Alai, ndang olo si Daud mambalos. Diboto si Jonatan do na dipillit Jahowa si Daud. Alani i, sai diurupi ibana do si Daud. Hea do si Daud mangulahon dosa na balga. Alai olo do ibana dipasingot Jahowa. Hamu angka natua-tua,
urupi ma gellengmuna mangantusi porlu do unduk tu Jahowa dohot tu halak na dipillit Ibana.DI BAGIAN ON
PARSIAJARAN 39
Raja ni Israel na Parjolo
Dilehon Jahowa do panguhum tu halak Israel laho mamimpin nasida, alai dipangido nasida do raja. Dipillit si Samuel ma si Saul gabe raja na parjolo, alai ujungna ndang lomo be roha ni Jahowa tu si Saul. Boasa?
PARSIAJARAN 40
Si Daud dohot Si Goliat
Dipillit Jahowa ma si Daud gabe raja di Israel, dipatudu si Daud do boasa cocok ibana gabe sahalak raja.
PARSIAJARAN 41
Si Daud dohot Si Saul
Boasa sogo roha ni si Saul tu si Daud, alai aha do na diulahon si Daud?