Introduksiyon sa Seksiyon 7
Mababasa sa seksiyon na ini an kasaysayan kan buhay ni Hading Saul asin ni Hading David, na uminabot nin mga 80 taon. Kan inot, mapakumbaba si Saul asin may takot sa Diyos, pero dai nahaloy nagbago siya asin habo nang sumunod ki Jehova. Hinabuan siya ni Jehova. Pag-abot nin panahon, sinugo ni Jehova si Samuel na lahidan si David bilang sunod na hadi kan Israel. Dahil sa pagkauri, dakul na beses na pinurbaran ni Saul na gadanon si David, pero dai lamang nagbalos si David. Aram kan aki ni Saul na si Jonathan na pinili ni Jehova si David, kaya maimbod siya ki David. May nagibong magabat na mga kasalan si David, pero pirmi niyang inaako an pagdidisiplina ni Jehova. Kun saro kang magurang, tabangan an saimong aki na masabutan na mahalaga nanggad na pirming suportaran an mga desisyon nin Diyos.
SA SEKSIYON NA INI
LEKSIYON 39
An Inot na Hadi kan Israel
Tinawan nin Diyos an mga Israelita nin mga hukom para magin lider ninda, pero gusto ninda nin sarong hadi. Linahidan ni Samuel si Saul bilang inot na hadi, pero kan huri hinabuan siya ni Jehova. Taano?
LEKSIYON 40
Si David Asin si Goliat
Pinili ni Jehova si David na magin sunod na hadi kan Israel. Ipinahiling ni David na tama si Jehova sa pagpili saiya.
LEKSIYON 41
Si David Asin si Saul
An sarong lalaki digdi anggot sa saro pang lalaki. Taano? Dawa ngani anggot su sarong lalaki, ano an iginawi kaining saro pang lalaki?
LEKSIYON 42
Si Jonathan—Maimbod Asin Makusog an Buot
An aking lalaki kan hadi nagin marahay na amigo ki David.
