Ol stori we oli kam biaen oli tokbaot ol samting we i hapen long 80 yia, taem King Sol mo King Deved i laef. Fastaem, tingting blong Sol i stap daon mo hem i ona gud long God. Be smoltaem biaen, fasin blong hem i jenis nao hem i no moa wantem folem ol tok blong Jehova. Jehova i no moa wantem hem, mo i talem long Samuel se i mas kafsaedem oel long hed blong Deved, blong i kam nekis king blong Isrel. From we Sol i jalus, plante taem hem i traem kilim Deved i ded. Be Deved i no traem givimbak. Jonatan we i boe blong Sol, i save se Jehova i jusum Deved blong i kam king, taswe hem i sapotem Deved oltaem. Deved i mekem sam bigfala sin, be hem i lesin taem Jehova i  stretem hem. Sipos yu gat pikinini, yu mekem hem i luksave se oltaem hem i mas respektem plan blong God.