Ili sección miʼ yʌl tsaʼ bʌ ujti tiʼ tojlel jiñi rey Saúl yicʼot jiñi rey David, i cheʼ bʌ 80 jab tsaʼ jalʼa ili muʼ bʌ caj la cʌl. Ti ñaxam, Saúl tsiʼ pʌsʌ i pecʼlel yicʼot tsiʼ jacʼbe i tʼan Dios. Pero tsiʼ ñusʌbe i tʼan Jehová i tsiʼ qʼuexta i bʌ. Jehová tsiʼ cʌyʌ i qʼuel ti ñuc i tsiʼ sube Samuel chaʼan miʼ yajcan David bajcheʼ rey yaʼ ti Israel. Saúl tsiʼ michʼ qʼuele David i jiñʌch jaysujtel tsiʼ ñopo i tsʌnsan. Pero David maʼañic tsiʼ yʌqʼue i toj i mul Saúl. Jonatán, i yalobil Saúl, yujil chaʼan Jehová tsiʼ yajca David, i xucʼul tsaʼ ajñi tiʼ tojlel. David tsiʼ mele (chaʼle) tsʌts tac bʌ mulil, pero tsiʼ chʌn jacʼbe i ticʼojel Jehová. Mi an a walobilob, coltañob i qʼuel chaʼan ñuc i cʼʌjñibal cheʼ mi lac jacʼben i tʼan Dios.