Se Ẹdinemede ke Ikpehe 7
Mbụk Edidem Saul ye Edidem David odu ke ikpehe emi. Se iketịbede ke n̄kpọ nte ufan̄ isua 80 ke ẹbụk mi. Saul ama osụhọde idem onyụn̄ abak Abasi ke ntọn̄ọ ntọn̄ọ, edi nte ini akakade enye ikamaha aba ndinam se Jehovah ọdọhọde. Jehovah ama esịn enye onyụn̄ ọdọhọ Samuel eyet David aran man ada itie Saul. Saul ama efịbe David onyụn̄ odomo ndiwot enye ediwak ini, edi David ikosioho enye usiene. Jonathan eyen Saul ama ọsọn̄ọ ada ye David sia enye ama ọdiọn̄ọ ke Jehovah emek David. David ama anam ikpọ idiọkn̄kpọ, edi enye ikayatke esịt ini Jehovah otụnọde enye. Edieke enyenede eyen, n̄wam enye okụt ntak emi ọfọnde ikop uyo Abasi inyụn̄ isọn̄ọ ida ye enye ye mbon emi enye emekde ete ẹda nnyịn usụn̄.
KE IKPEHE EMI
UKPEPN̄KPỌ 39
Akpa Edidem Israel
Abasi ekemek mme ebiereikpe ẹda nditọ Israel usụn̄, edi mmọ ẹte iyom edidem. Samuel ama eyet Saul aran nte akpa edidem, edi ekem Jehovah ama esịn Saul. Ntak-a?
UKPEPN̄KPỌ 40
David ye Goliath
Jehovah emek David ọyọhọ edidem iba ke Israel, ndien David owụt ke imodot ndidi edidem.
UKPEPN̄KPỌ 41
David ye Saul
Nso inam owo emi asua owo enye oko, ndien owo emi ẹsuade anam n̄kpọ didie?