Kabwarabwaraani Mwakoro 7
E karakinaki n te mwakoro aei rongorongoni maiun te Uea ae Tauro ao te Uea ae Tawita n te maan ae tao 80 te ririki. N te moantai, e bon nanorinano Tauro ao e mamaaka te Atua, ma e waekoa ni bitaki maiuna ao e a aikoa ongeaba n ana kairiri Iehova. E aki kukurei Iehova irouna ao imwina riki e tua nakon Tamuera bwa e na kabira Tawita bwa e na riki bwa uean Iteraera imwin Tauro. E bakantang iai Tauro ao e kataia n tiringa Tawita n taai aika bati ma e aki roko n te kaoka kaina Tawita. E ataia natin Tauro ae Ionatan bwa Iehova e rinea Tawita ngaia are e a kakaonimaki ni koaua nakon Tawita. E karaoi buure aika kakaiaki tabeua Tawita, ma akea te tai ae e aki butimwaea iai ana reirei ni kaetieti Iehova. Ngkana te karo ngkoe, buoka natim bwa e na ataa kakawakini boutokaan ana babaire te Atua n taai nako.
N TE MWAKORO AEI
REIREI 39
Te Moan Uea i Aoia Tibun Iteraera
E karekeia taani motikitaeka te Atua bwa a na kaiririia tibun Iteraera, ma a tangira riki te uea. E kabira Tauro Tamuera bwa te moan uea, ma imwina riki e a aki kukurei Iehova iroun Tauro. Bukin tera?
REIREI 40
Tawita ao Koria
E rineaki Tawita iroun Iehova bwa e na ruamwin uean Iteraera, ao e oti iroun Tawita bukina ngkai e eti rineana.
REIREI 41
Tawita ao Tauro
E aera ngkai temanna i buakoia naakai e riribaa are temanna, ao tera aroaron teuare e riribaaki?
REIREI 42
E Ninikoria Ionatan ao E Kakaonimaki ni Koaua
E riki natin te uea bwa raoraon Tawita ni kaan.