Homẹbibiọ Na Adà 7
Adà ehe dọhodo otàn gbẹzan Ahọlu Sauli po Ahọlu Davidi tọn po ji, bo bẹ nujijọ he wá aimẹ to nudi owhe 80 gblamẹ lẹ hẹn. To tintan whenu, Sauli yin whiwhẹnọ bo nọ dibusi Jiwheyẹwhe, amọ́ e wá diọ bo gbẹ́ nado hodo anademẹ Jehovah tọn. Jehovah gbẹ́ ẹ dai bo wá na anademẹ Samuẹli nado yiamisisadode Davidi taidi ahọlu Islaeli tọn he na bọdego. Sauli gbọn awuwhàn dali tẹnpọn whlasusu nado hù Davidi, amọ́ Davidi ma yiahọsu gbede. Visunnu Sauli tọn Jonatani yọnẹn dọ Davidi wẹ Jehovah de, enẹwutu e yin nugbonọ na Davidi. Davidi waylando sinsinyẹn delẹ, ṣigba e ma gbẹ́ mẹplọnlọ Jehovah tọn dai pọ́n gbede. Eyin mẹjitọ de wẹ a yin, gọalọna ovi towe nado mọdọ nujọnu wẹ e yin nado nọ nọgodona tito Jiwheyẹwhe tọn lẹ to whelẹponu.
TO ADÀ EHE MẸ
NUPINPLỌN 39
Ahọlu Tintan Islaeli Tọn
Jiwheyẹwhe ko de whẹdatọ lẹ do Islaelivi lẹ ji nado deanana yé, amọ́ yé jlo na tindo ahọlu de. Samuẹli yiamisisadode Sauli taidi ahọlu tintan, amọ́ to nukọn mẹ Jehovah gbẹ́ Sauli dai. Etẹwutu?
NUPINPLỌN 40
Davidi po Goliati Po
Jehovah de Davidi taidi ahọlu Islaeli tọn he na bọdego, podọ nuyiwa Davidi tọn dohia dọ nudide dagbe de wẹ enẹ yin.
NUPINPLỌN 41
Davidi po Sauli Po
Naegbọn dopo to sunnu ehelẹ mẹ do gbẹwanna awetọ etọn, podọ nawẹ mẹhe yè gbẹwanna lọ yinuwa gbọn?
NUPINPLỌN 42
Jonatani Yin Adọgbotọ Podọ Nugbonọ
Visunnu ahọlu tọn wá lẹzun họntọn dagbe de na Davidi.
