Introduksion sa Seksion 7
Ini nga seksion nagasugid sang kasaysayan ni Hari Saul kag ni Hari David, nga nagalawig sing mga 80 ka tuig. Sa umpisa, si Saul mapainubuson kag may kahadlok sa Dios, pero sang ulihi nagbag-o sia kag wala na nagsunod sa panuytoy ni Jehova. Ginsikway sia ni Jehova, kag sang ulihi ginsugo ni Jehova si Samuel nga haplasan si David bilang masunod nga hari sang Israel. Bangod sa kahisa ni Saul, madamo nga beses niya nga gintinguhaan nga patyon si David, pero wala gid magbalos si David. Nahibaluan sang bata ni Saul nga si Jonatan nga si David ang ginpili ni Jehova, gani nangin mainunungon sia kay David. Si David nakahimo sing mabug-at nga mga sala, pero wala gid niya ginsikway ang disiplina ni Jehova. Kon isa ikaw ka ginikanan, buligi ang imo bata nga maintiendihan nga importante gid nga pirme tumanon ang Dios.
SA SINI NGA SEKSION
LEKSION 39
Ang Una nga Hari sang Israel
Ginhatagan sang Dios ang mga Israelinhon sing mga hukom para manguna sa ila, pero nangayo sila sing hari. Ginhimo ni Samuel si Saul bilang una nga hari, pero sang ulihi ginsikway ni Jehova si Saul. Ngaa?
LEKSION 40
Si David kag si Goliat
Si David ang ginpili ni Jehova nga mangin masunod nga hari sang Israel, kag ginpakita ni David kon ngaa husto gid ang pagpili sa iya.
LEKSION 41
Si David kag si Saul
Ngaa naugot gid ining isa ka tawo sa isa, kag ano ang reaksion sang isa nga ginkaugtan?
LEKSION 42
Ang Maisog kag Mainunungon nga si Jonatan
Ang bata sang hari nangin suod nga abyan ni David.