Ntu no yuav qhia txog Vajntxwv Xa-u thiab Vajntxwv Davi nkawd lub neej, ntev txog li 80 xyoo. Thaum chiv thawj, Xa-u yog ib tug neeg txo hwjchim thiab paub ntshai Vajtswv. Tiamsis nws hloov siab tsis mloog Yehauvas lus lawm. Yehauvas thiaj tsis yuav nws ua vajntxwv thiab txib kom Xamuyee mus tsa Davi los ua cov Yixayee tus vajntxwv tshiab. Thaum Xa-u paub nws khib heev, nws thiaj nrhiav nrhw kev los muab Davi tua, tiamsis Davi tsis ua phem pauj. Thiab Xa-u tus tub Yaunathas muab siab npuab Davi heev vim nws paub tias Yehauvas xaiv Davi lawm. Txawm Davi tau ua ntau yam kev txhaum loj heev los thaum Yehauvas qhuab ntuas nws yeej mloog. Cov niam txiv, pab koj tus menyuam pom tias tseem ceeb heev rau peb txhawb nqa Yehauvas txojkev kav.