Entwodiksyon pou seksyon 7
Nan seksyon sa a, n ap jwenn istwa lavi wa Sayil ak wa David. Li kouvri yon peryòd ki dire anviwon 80 ane. Okòmansman, Sayil te gen imilite ak lakrentif pou Bondye. Men, anvan lontan, li te vin chanje e li te refize suiv lòd Jewova bay. Jewova te rejte Sayil e rive yon lè, li te mande Samyèl pou l al vide luil sou tèt David antanke pwochen wa Izrayèl. Sayil te jalou e l te chèche touye David plizyè fwa. Men, David pa t janm vanje tèt li. Jonatan, pitit gason Sayil, te fidèl ak David paske l te konnen se David Jewova chwazi. David te fè kèk peche grav. Men, li te toujou aksepte disiplin Jewova. Si w se yon papa oswa yon manman, ede pitit ou wè enpòtans pou l toujou soutni dispozisyon Bondye pran.
NAN SEKSYON SA A
LESON 39
Premye wa Izrayèl
Bondye te bay Izrayelit yo jij pou gide yo. Men, yo te mande yon wa. Samyèl te vide luil sou tèt Sayil pou montre se li menm Bondye chwazi kòm premye wa. Men, annapre, Jewova pa t vle Sayil kòm wa ankò. Sa k te fè sa?
LESON 40
David ak Golyat
Jewova te chwazi David pou l vin pwochen wa ann Izrayèl, e David montre Bondye te byen chwazi.
LESON 41
David ak Sayil
Poukisa gen youn nan mesye sa yo ki te rayi lòt la, e ki jan lòt la te reyaji?