Omambo wokomeho wOrupa 7
Orupa ndwi maru ṱunu kehupo rozombura ape 80 rOmbara Saul nOmbara David. Kotjirutenga, Saul wa ri omurisusuparise nu ngwa ri nondira ku Mukuru, posiya eye kombunda wa runduruka nu kaa vanga okukongorera omirari vyaJehova rukwao. Jehova we mu nakaura nu kombunda wa raera Samuel okutwirisa David otjombara oitjakwao yaIsrael. Mena reruru, Saul wa paha omiano omingi okuzepa David, posiya David kena pa kara nongore. Jonatan, omuzandu waSaul, aa tjiwa kutja Jehova wa toorora David, okutja wa kara nouṱakame ku David. David wa tjitire ourunde ounene, posiya kena pa nakaura omavyuriro waJehova. Tji u novanatje, ve vatera kutja ve mune ounanḓengu wokuyandja oruvara komiano vyaJehova vyomananeno.
MORUPA NDWI
EHONGWA 39
Ombara ondenga yaIsrael
Mukuru wa yandja ovapangure kOvaisrael kutja ve ve hongorere, posiya owo va ningira ombara. Samuel wa twirisa Saul otjombara ondenga, posiya kombunda Jehova wa nakaura Saul. Omena ratjike?
EHONGWA 40
David na Goliat
Jehova wa toorora David okurira ombara oitjakwao yaIsrael, nu David wa raisa kutja omena ratjike tje ri ombara ombwa.
EHONGWA 41
David na Saul
Ongwaye umwe wovarumendu mba tja tonda omukwao, nu ingwi ngwa tondwa me ritjindi vi?
