Eme Emuhọ Abọ avọ 7
Abọ nana ọ ta kpahe ikuigbe Sọl ovie na gbe Devidi ovie na, yọ o rehọ ikpe 80 soso. Evaọ oke ọsosuọ Sọl o wo omaurokpotọ je wo ozodhẹ Ọghẹnẹ, rekọ uwhremu na o te nwene, o gbe je yoẹme kẹ Jihova ha. U kuhọ riẹ, Jihova ọ tẹ siọ Sọl jẹ ta kẹ Samuẹle nọ ọ rọ Devidi mu ovie nọ o ti nwene ẹta Sọl. Sọl ọ jẹ re Devidi ihri, yọ ọ jẹ gwọlọ epanọ o re ro kpei, rekọ Devidi o ru Sọl kele he. Ọmọ Sọl nọ a re se Jonatan ọ riẹ nọ Devidi Jihova ọ salọ, fikiere ọ romakpotọ kẹ Devidi. Devidi ọ raha izi ilogbo, rekọ o kurẹriẹ nọ Jihova ọ whọku iei. Otẹrọnọ whẹ yọ ọsẹ hayo oni, fiobọhọ kẹ ọmọ ra riẹ epanọ u wuzou te re ma nya lele ọruẹrẹfihotọ Jihova.
ENỌ E RRỌ OFẸ NANA
UWUHRẸ AVỌ 39
Ovie Ọsosuọ Izrẹl
Jihova ọ kẹ emọ Izrẹl ibroziẹ nọ i re su ai, rekọ a tẹ ta nọ a gwọlọ ovie. Samuẹle ọ tẹ rọ Sọl mu ovie ọsosuọ Izrẹl, rekọ Jihova ọ siọ Sọl uwhremu na. Fikieme?
UWUHRẸ AVỌ 40
Devidi avọ Goliat
Jihova ọ salọ Devidi re ọ jọ ovie Izrẹl nọ u te no Sọl no, yọ Devidi o ru emamọ eware nọ u dhesẹ nọ a salọ e riẹ thọ họ.