Ũhoro wa Kwambĩrĩria wa Gĩcigo kĩa 7
Gĩcigo gĩkĩ kĩraarĩrĩria ũtũũro wa Mũthamaki Saulu na wa Mũthamaki Daudi ihinda-inĩ rĩa mĩaka 80. Kĩambĩrĩria-inĩ Saulu aarĩ mwĩnyihia na nĩ eetigĩrĩte Ngai, no thutha wa ihinda nĩ aagarũrũkire na akĩrega kũrũmĩrĩra ũtongoria wa Jehova. Jehova nĩ aamũregire na akĩra Samueli aitĩrĩrie Daudi maguta nĩguo atuĩke Mũthamaki thutha wa Saulu. Saulu nĩ aageririe kũũraga Daudi maita maingĩ nĩ ũndũ wa ũiru, no Daudi ndeerĩhĩirie. Jonathani, mũrũ wa Saulu nĩ aamenyire atĩ Daudi aathurĩtwo nĩ Jehova, na nĩ ũndũ ũcio agĩtũũra arĩ mwĩhokeku harĩ Daudi. Daudi nĩ eekire mehia maritũ, no ndaaregire ũtaaro wa Jehova. Angĩkorũo ũrĩ mũciari, teithia mwana waku one bata wa kũnyitaga mbaru mĩbango ya Jehova hingo ciothe.
GĨCHUNJĨ-INĨ GĨKĨ
Mũthamaki wa Mbere wa Isiraeli
Ngai aahete Aisiraeli atiirĩrĩri bũrũri mamatongorie, no moigire mekwenda mũthamaki. Samueli nĩ aaitĩrĩirie Saulu maguta arĩ mũthamaki wa mbere, no thutha-inĩ Jehova nĩ aamũregire. Nĩkĩ?
Daudi na Goliathu
Jehova nĩ aathurire Daudi atuĩke mũthamaki wa Isiraeli thutha wa Saulu, na Daudi nĩ onanirie atĩ aarĩ mũndũ mwega.
Daudi na Saulu
Nĩ kĩĩ gĩatũmaga Saulu amene Daudi, na Daudi eekire atĩa?
Ũcamba na Wĩhokeku wa Jonathani
Mwanake wa mũthamaki nĩ aatuĩkire mũrata mwega wa Daudi.
Mehia ma Mũthamaki Daudi
Itua rĩũru rĩarehire mathĩna maingĩ mũno.
