Etwalemo lOshitukulwa 7
Oshitukulwa eshi osha kundafana ondjokonona yonghalamwenyo yohamba Saul naDavid, oyo ya kwata omido 80 lwaapo. Potete, Saul okwa li e lininipika noha tila Kalunga, ashike okwa li a lunduluka diva noi na dulika kewiliko laJehova. Jehova ka li vali e mu hokwa, nokwa ka lombwela Samuel a vaeke David oye a ninge ohamba yaIsrael. Saul okwa li a twa ondubo nokwa li a hala a dipae David, ashike David ka li e mu kwatela onghone. Omonamati waSaul, Jonatan, okwa li e shii kutya David okwa hoololwa kuJehova nokwa kala omudiinini kuDavid. David okwa li a nyona omanyono onhumba a kwata moiti, ashike okwa li a tambula ko outekuduliko waJehova. Ngeenge ou li omudali, kwafela okaana koye ka mone efimano lokuyambidida alushe omalongekido aKalunga.
MOSHITUKULWA ESHI
Ohamba yotete yOvaisrael
Kalunga okwa li a pa Ovaisrael ovatokolipangeli ve va kwatele komesho, ashike vo ova li va pula ohamba. Samuel okwa li a vaeka Saul a ninge ohamba yotete, ashike lwanima Jehova okwa ka ekelashi Saul. Omolwashike mbela?
David naGoljat
Jehova okwa li a hoolola David a ninge ohamba yaIsrael ya landula ko, na David okwa li a ulika kutya ehoololo olo oliwa.
David naSaul
Omolwashike umwe womovalumenhu ovo a li e tonde mukwao, naao a li e tondike okwa li e linyenga ngahelipi?
Jonatan okwa li ependa nomudiinini
Omona wohamba okwa li a ninga kaume kopofingo kaDavid.
Enyono lohamba David
Etokolo lihe li pandunge ola li la etifa omaupyakadi mahapu.
