Бұл бөлімде Саул патша мен Дәуіт патшаның өмірбаяны қарастырылып, сол кездегі тарихтың 80 жылы қамтылады. Бастапқыда Саул кішіпейіл, Құдайдан қорқатын адам болған. Бірақ ол тез-ақ өзгеріп, Ехобаның басшылығына мойынсұнбай кетеді. Сондықтан Құдай одан бас тартып, Самуилге Дәуітті Исраил елінің келесі патшасы етіп майлауды тапсырады. Бұған іші күйген Саул бірнеше рет Дәуітті өлтірмек болады. Бірақ Дәуіт одан кек алмайды. Саулдың ұлы Жонатан Ехобаның Дәуітті таңдағанын біледі, сөйтіп, оған адал болады. Дәуіт патша бірнеше ауыр күнә жасайды, әйтсе де Ехоба жөнге салғанда, ешқашан бас тартпайды. Ата-аналар, балаларыңызға Ехоба мен ол таңдаған адамдарға мойынсұнудың және адал болудың қаншалықты маңызды екенін түсіндіріңіздер.