សេចក្ដីផ្ដើមផ្នែកទី៧

លេង

ផ្នែកនេះរៀបរាប់អំពីជីវិតរបស់ស្ដេចសុលនិងស្ដេចដាវីឌ ក្នុងអំឡុងប្រមាណ៨០ឆ្នាំ។ ដំបូង សុលមានចិត្តរាបទាបនិងគោរពកោតខ្លាចព្រះយេហូវ៉ា តែមិនយូរប៉ុន្មានគាត់បានផ្លាស់ប្ដូរ ហើយមិនធ្វើតាមការណែនាំរបស់លោកទេ។ ព្រះយេហូវ៉ាលែងទទួលស្គាល់គាត់ទៀត ហើយប្រាប់សាំយូអែលឲ្យចាក់ប្រេងតែងតាំងដាវីឌ ធ្វើជាស្ដេចបន្ទាប់របស់ជនជាតិអ៊ីស្រាអែល។ សុលច្រណែនដាវីឌ ហេតុនេះគាត់ព្យាយាមសម្លាប់ដាវីឌម្ដងហើយម្ដងទៀត។ ប៉ុន្តែ ដាវីឌមិនដែលសងសឹកឡើយ។ យ៉ូណាថានជាកូនប្រុសរបស់សុលដឹងថា ព្រះយេហូវ៉ាបានជ្រើសរើសដាវីឌឲ្យធ្វើជាស្ដេច ដូច្នេះគាត់មានភក្ដីភាពចំពោះដាវីឌ។ ដាវីឌបានប្រព្រឹត្តអំពើខុសឆ្គងធ្ងន់ធ្ងរមួយចំនួន តែគាត់ព្រមទទួលយកការប្រៀនប្រដៅពីព្រះយេហូវ៉ា។ បើអ្នកជាឪពុកម្ដាយ សូមជួយកូនឲ្យយល់ថាជាការសំខាន់ណាស់ ដែលត្រូវបន្តធ្វើតាមការរៀបចំរបស់ព្រះជានិច្ច។

គោលសំខាន់ក្នុងមេរៀន

ការស្ដាប់បង្គាប់ដែលកើតចេញពីសេចក្ដីស្រឡាញ់ គឺជាអ្វីដ៏សំខាន់បំផុតដែលយើងអាចជូនដល់ព្រះយេហូវ៉ា
កុំសងសឹកឲ្យសោះ តែត្រូវរង់ចាំឲ្យព្រះយេហូវ៉ាដោះស្រាយដោយយុត្តិធម៌
បើយើងប្រព្រឹត្តអំពើខុសឆ្គងធ្ងន់ធ្ងរ យើងមិនត្រូវព្យាយាមលាក់បាំងឡើយ