Kilomboluelu kia Mbandu ia 7
O mbandu íii i londekesa misoso ia Sobha Saulu ni Sobha Davidi, íii ia bhiti mu 80 a mivu. Ku dimatekenu, Saulu ua lendukile, iu ua kexile ni uôma ua Nzambi, maji mu kusuluka muene ua lunguluka anga ua ditunu kubelesela Jihova. Jihova ka mu xikina dingi kala sobha, mu kienhiki ua tumu Samuuele kusola Davidi kala sobha ia Izalaiele. Mukonda dia luimbi, veji javulu Saulu ua mesenene kujibha Davidi, maji Davidi nuka ua mu vutuile phonzo. O mon’â Saulu Jonata uejiidile kuila Davidi a mu solele kuala Jihova, mu kienhiki ua londekesa ufiiele kua Davidi. Davidi ua tele ituxi ia dikota, maji nuka ua ditunine o kibazelu kia Jihova. Se u tata, kuatekesa mon’é kumona o mbote ijila mu kuzokela o kidi kia lungu ni Nzambi.
IN THIS SECTION
DISÁ 39
O Sobha ia Dianga ia Izalaiele
Nzambi ua bhana kua akua Izalaiele afundixi phala ku a endesa maji ene a bhingi sobha. Samuuele ua undu Saulu phala kukala sobha, o sobha ia dianga maji mu kubhita thembu Jihova ua ditunu Saulu. Mukonda diahi?
DISÁ 40
Davidi ni Ngoliia
Jihova ua solo Davidi kukala sobha ia Izalaiele, Davidi ua londekesa kuila a solo o muthu ua tokala.
DISÁ 41
Davidi ni Saulu
Mukonda diahi umoxi ua zembele kiavulu mukuâ ni ihi ia bhange ió a mu zembele?
DISÁ 42
Jonata Uexile Diiala Dia Suína ni Ufiiele
O mon’â sobha ua kituka dikamba diambote phala Davidi.