Biji mu Kipungu 7
Kino kipungu kyaamba pa byapichilemo Mfumu Saulo ne Mfumu Davida. Bino bintu byamwekele nobe pa myaka 80. Patanshitu Saulo wipelwile kabiji waakamwanga Lesa. Bino kulutwe muchima wanji waalukile kabiji walekele kukokela Yehoba. Yehoba wamukaine, ne kwambila Samwela kushinga manyi Davida kuba’mba ekae mfumu wa bena Isalela. Saulo wakebelenga kwipaya Davida na mambo a lwiso. Bino Davida kechi washinkanyanga ne. Yonafwanyi mwana kwa Saulo wayukile kuba’mba Yehoba wasajile Davida. Onkao mambo wajinga wa kishinka kwi Davida. Davida kimye kimo walengele mambo akatampe. Bino kechi wakaine lujimuno lwa Yehoba ne. Inge mwi bansemi, kwashai mwanenu ayuke ene mambo o kyawamina kuba kyaswa muchima wa Lesa.
BIJI MU KINO KIPUNGU
Mfumu Mutanshi wa Bena Isalela
Lesa wapele bena Isalela ba mitonyi bakuchiba mambo ne kutangijila bena Isalela, pano bino bakebelenga kwikala na mfumu. Samwela washingile manyi Saulo waikele mfumu wabo mutanshi, bino byo papichile myaka Yehoba wamukaine Saulo. Ki ka kyalengejile?
Davida ne Goliata
Yehoba wasajile Davida kwikala mfumu wa bena Isalela, kabiji wamwesheshe patoka kuba’mba wafikilamo kwikala mfumu.
Davida ne Saulo
Mambo ka Saulo o ashikijilwe Davida, kabiji Saulo wakebanga kuba ka Davida?
Yonafwanyi wachinchikile kabiji wajinga wa kishinka
Mwana mfumu wajinga mulunda wa kine wa kwa Davida.
Mambo Alengele Mfumu Davida
Mambo alengele Davida amuletelejile.
