Dis sɛkshɔn de tɔk bɔt wetin-ɛn-wetin apin na Kiŋ Sɔl ɛn Kiŋ Devid dɛn layf. I tɔk bɔt wetin apin insay 80 ia. Fɔs, Sɔl bin ɔmbul ɛn i bin de fred Gɔd, bɔt as tɛm de go, i bin chenj ɛn lɛf fɔ du wetin Jiova tɛl am. Jiova nɔ bin want am fɔ bi kiŋ igen, so i tɛl Samiɛl fɔ anɔynt Devid fɔ bi di nɛks kiŋ na Izrɛl. Sɔl bin de jɛlɔs Devid, so i tray fɔ kil am bɔku tɛm, bɔt Devid nɔ bin ɛva tray fɔ du am bad bak. Sɔl in bɔypikin we nem Jonɛtan bin no se na Devid Jiova dɔn pik, so i bin kɔntinyu de biɛn am. Devid bin kɔmit sɔm siriɔs sin dɛn, bɔt i nɔ ɛva lɛf fɔ tek di kɔrɛkshɔn dɛn we Jiova de gi am. If yu na mama ɔ papa, ɛp yu pikin fɔ ɔndastand se i impɔtant fɔ sɔpɔt Jiova in arenjmɛnt dɛn ɔltɛm.