Tshitupa etshi tshidi ne malu a mukalenge Shaula ne a mukalenge Davidi avua menzeke munkatshi mua bidimu bitue ku 80. Kumpala Shaula uvua ne budipuekeshi ne uvua utshina Nzambi, kadi wakalua kushintuluka, kubengaye bua kulonda malu avua Yehowa umuambila. Yehowa wakamubenga, ne pakapita matuku wakambila Samuele bua ele Davidi manyi bua alue mukalenge mupiamupia wa Isalele. Bu muvua Shaula ne mukawu, wakateta bua kushipa Davidi misangu ne misangu, kadi Davidi kavua mualuje bubi ku bubi musangu nansha umue to. Yonatana muana wa Shaula uvua mumanye ne: Davidi ke uvua Yehowa musungule, ke bualu kayi uvua mushale anu mumulamate. Davidi wakenza mpekatu minene, kadi kavua mubenge dinyoka dia kudi Yehowa musangu nansha umue to. Wewe muikale muledi, ambuluisha muanebe bua amone mushinga wa kuikala anu kulonda malu adi Yehowa wamba.