Weche Michakogo Kare mar 7
Kare mar abiriyoni wuoyo e wi gik ma notimore kuom higni 80 kama, e ngima Ruoth Saulo kod Ruoth Daudi. Ka noket Saulo obed ruoth, nokwongo obolore kendo noluoro Jehova, to bang’e noduogo olokore motamore winjo chike Jehova. Jehova ne odage, mi onyiso Samuel mondo owal Daudi obi obed ruoth bang’ Saulo. Nyiego nomako Saulo, kendo notemo nyading’eny mondo oneg Daudi, kata kamano, Daudi ne ok ochulo kuor. Jonathan wuod Saulo nong’eyo malong’o ni Jehova nosewalo Daudi mondo obi obed ruoth, omiyo, nomakore gi Daudi. Kata obedo ni Daudi notimo richo moko madongo, ne ok otamore rwako siem kod kum mowuok kuom Jehova. Ka in janyuol, kony nyathini mondo one gimomiyo dwarore ni kinde duto wariw lwedo chenro mag Jehova.
MA YUDORE KAE
SULA MAR 39
Ruoth Mokwongo mar Jo-Israel
Jehova ne oketo jong’ad bura mondo ota Jo-Israel, kata kamano, Jo-Israel ne oramo ni gidwaro ruoth. Samuel ne owalo Saulo mondo obed ruoth. Bang’e Jehova ne odagi Saulo. Ang’o momiyo?
SULA MAR 40
Daudi gi Goliath
Jehova noyiero Daudi mondo e ma obed ruoth bang’ Saulo. Gik ma Daudi notimo nonyiso maler ni ne owinjore gi migawono.
SULA MAR 41
Daudi gi Saulo
Ang’o momiyo achiel kuomgi nochayo nyawadgi, to nyawadgi ma nochayono nokawo okang’ mane?
SULA MAR 42
Jonathan ne Jachir Kendo Nomakore gi Jehova kod Daudi
Jonathan wuod ruoth ne obedo osiep Daudi ahinya.
