Naanin Ijjino ko ñan Jebta 7
Katak ko ilo jebta in rej kwal̦o̦k kõn aolep men ko rar wal̦o̦k ium̦win enañin 80 iiõ, jãn iien ko an Kiiñ Saul l̦o̦k ñan iien ko an Kiiñ Devid. Ilo jinoin, Saul ear juon armej ettã bũruon im ear mijak Anij, ak ejjabto tokãlik ear oktak im jab kõn̦aan l̦oore tõl eo an Jeova. Kõn men in, ear jako an Jeova m̦õn̦õn̦õ ippãn im Ear jiroñ Samuel bwe en kapit Devid bwe en e eo enaaj bõk jikin Kiiñ Saul. Kõn an kar Saul ebbanbane Devid, elõñ kõttan an kajjioñ in m̦ane. Ak Devid ear jab ukot nana kõn nana. L̦eo nejin Saul etan Jonetan ear jel̦ã bwe Jeova eo ear kããlõt Devid bwe en kiiñ. Eñin unin ear tiljek ñan Devid. Ewõr jet bõd ko rel̦l̦ap Devid ear kõm̦m̦ani, ak ear jab m̦akoko in kõttãiki ke Jeova ear kajim̦we. El̦aññe ewõr nejũm̦, jipañe ñan an mel̦el̦e bwe aolep iien ej aikuj pokake im tiljek ñan Jeova, ekoba ro ear kããlõt er bwe ren tõl kõj.
ILO JEBTA IN
KATAK 39
Kiiñ Eo M̦oktata An Israel
Anij ear kõjerbal riekajet ro ñan tõl RiIsrael ro, ak rar kajjitõk bwe en wõr juon aer kiiñ. Samuel ear kapiti Saul bwe en kiiñ eo m̦oktata an armej ro, ak tokãlik ear jako an Jeova buñbũruon ippãn Saul. Etke?
KATAK 40
Devid im Golaiat
Jeova ear kããlõt Devid bwe en kab kiiñ eo an Israel, im Devid ear kaalikkare ilo kõm̦m̦an ko an bwe ejim̦we kããlõt eo an Jeova.
KATAK 41
Devid im Saul
Etke juon iaan em̦m̦aan rein ruo edike eo juon? Ta ko em̦m̦aan in enana ej kõm̦m̦ani?
