Babg a 7 wã sɩngr-goama
Bab-kãngã pʋgẽ, d na n goma rĩm a Sayull ne rĩm a Davɩɩd yelle. B yiibã fãa sẽn dɩ naamã zemsa yʋʋm 80. Sɩngrẽ wã, a Sayull ra yaa sik-m-meng soaba, la a zoet Wẽnnaam. La a wa n toeemame, n pa le tũud a Zeova ye. A Zeova bas-a lame, n kɩt t’a Sãmwɛll tɩ ning a Davɩɩd zugã kaam, t’a na n wa lebg Israyɛll rĩma. A Sayull lebga sũ-ki neda. Naoor wʋsgo, a baoome n na n kʋ a Davɩɩde. La a Davɩɩd zɩ n bao n dok a sũur ye. A Sayull biig a Zonatã ra miime tɩ yaa a Davɩɩd la a Zeova yãk-yã. Rẽ n so t’a sõng a Davɩɩde. A Davɩɩd wa n maana yel-wẽn-kãsemse, la a saka a Zeova kiblgã. Yãmb sã n tara biiga, sõng-y-yã-a t’a bãng tɩ d segd n sakda a Zeova, la d sak tɩ neb nins a sẽn yãkã wilg tõnd sore.
BAB-KÃNGÃ PƲGẼ
SAK 39
Israyɛll pipi rĩma
A Zeova ra kɩtame tɩ bʋ-kaoodb ra sõngd Israyɛll nebã, la b wa n yeelame tɩ b rata rĩma. A Sãmwɛll ninga a Sayull zugã kaam, t’a lebg Israyɛll pipi rĩma. La a Zeova wa n basa a Sayulli. Bõe yĩnga?
