Ña̱ sa̱kuaʼayó nu̱ú táʼvi yóʼo ku̱uña ti̱xin 80 ku̱i̱ya̱ ta nátúʼunña xa̱ʼa ta̱ rey Saúl xíʼin ta̱ rey David. Tá xa̱ʼa ta̱ Saúl vitá ni̱xi̱yo inira ta ka̱ndíxara Ndióxi̱. Soo tá ni̱ya̱ʼa tiempo kǒo níxiinkara kandíxara Jehová. Tándi̱ʼi, Jehová kǒo níxiinkara koo ta̱yóʼo rey ta ni̱ka̱ʼa̱nra xíʼin ta̱ Samuel ná nda̱ka̱xinra ta̱ David ña̱ koora rey na̱ ñuu Israel. Ta̱ Saúl ni̱sa̱a̱níra xíʼin ta̱ David ta ku̱a̱ʼá yichi̱ xi̱kuni̱ra kaʼnírara. Soo ni saá kǒo ña̱ níkeʼé ta̱ David xíʼin ta̱ Saúl. Ta̱ Jonatan se̱ʼe ta̱ Saúl kúnda̱a̱-inira Jehová kúú ta̱ nda̱ka̱xin ta̱ David ta xa̱ʼa ña̱yóʼo nda̱kú ni̱xi̱yo inira xíʼinra. Ni ku̱a̱ʼá ku̱a̱chi káʼnu ke̱ʼé ta̱ David, ka̱ndíxavara consejo Jehová. Tá íyo se̱ʼún chindeéna ná kunda̱a̱-inina nda̱chun ndáyáʼviní kandíxana ndiʼi ña̱ káʼa̱n Ndióxi̱.