အပိုင်း ၇ နိဒါန်း
ဒီအပိုင်းက ဘုရင်ရှောလုနဲ့ ဘုရင်ဒါဝိဒ်ရဲ့ အနှစ် ၈၀ ကြာ သမိုင်းကြောင်း ဖြစ်တယ်။ ရှောလုဟာ အစပိုင်းမှာ နှိမ့်ချသူ၊ ဘုရားကိုကြောက်ရွံ့သူ ဖြစ်တယ်။ နောက်ပိုင်းမှာ ပြောင်းလဲသွားပြီး ဘုရားစကား နားမထောင်တော့ဘူး။ ဒါနဲ့ ယေဟောဝါ သူ့ကို ငြင်းပယ်ပြီး အစ္စရေးဘုရင်အဖြစ် ဒါဝိဒ်ကို ဘိသိက်ပေးဖို့ ရှမွေလကို ညွှန်ကြားခဲ့တယ်။ ရှောလုက မနာလိုဖြစ်ပြီး ဒါဝိဒ်ကိုသတ်ဖို့ ကြိုးစားပေမဲ့ ဒါဝိဒ်က ဘာမှ ပြန်မလုပ်ဘူး။ ရှောလုသား ယောနသန်ဟာ ဒါဝိဒ်ကို ဘုရားရွေးချယ်မှန်းသိလို့ ဒါဝိဒ်ကို သစ္စာရှိခဲ့တယ်။ ဒါဝိဒ်က အပြစ်ကြီးတွေ လုပ်ခဲ့ပေမဲ့ ယေဟောဝါရဲ့ ဆုံးမမှုကို လက်ခံခဲ့တယ်။
မိဘဖြစ်မယ်ဆိုရင် ဘုရားအစီအစဉ်ကို ထောက်ခံဖို့ အရေးကြီးကြောင်း ကလေးနားလည်အောင် သင်ပေးပါ။ဒီအပိုင်းမှာ
သင်ခန်းစာ ၃၉
အစ္စရေးနိုင်ငံရဲ့ ပထမဘုရင်
ဘုရားသခင်က အစ္စရေးတွေကို ဦးဆောင်ဖို့ တရားသူကြီးတွေကို ပေးထားပေမဲ့ သူတို့က ဘုရင်တင်မြှောက်ဖို့ တောင်းခံကြတယ်။ ရှမွေလက ရှောလုကို ပထမဘုရင်အနေနဲ့ ဘိသိက်ပေးခဲ့ပေမဲ့ နောက်ပိုင်းမှာ ယေဟောဝါက ရှောလုကို ငြင်းပယ်ခဲ့တယ်။ ဘာကြောင့်လဲ။
သင်ခန်းစာ ၄၀
ဒါဝိဒ်နဲ့ ဂေါလျတ်
ယေဟောဝါက နောက်တက်မယ့်ဘုရင် အဖြစ် ဒါဝိဒ်ကို ရွေးချယ်တယ်။ ဘုရင်ကောင်းတစ်ယောက် ဖြစ်တယ်ဆိုတာ ဒါဝိဒ် ဖော်ပြတယ်။
သင်ခန်းစာ ၄၁
ဒါဝိဒ်နဲ့ ရှောလု
ဒီလူတွေထဲက တစ်ယောက်ဟာ တခြားတစ်ယောက်ကို ဘာကြောင့် မုန်းတာလဲ။ အမုန်းခံရသူက ဘာလုပ်သလဲ။