Kampa peua tlaxeloli 7
Ni tlaxeloli kiixtoma tlen kichijkej tlanauatijketl Saúl uan David. Tlen kiijtoua panok ipan se 80 xiuitl. Maske Saúl achtoui kuali kitekipanouayaya Jehová, teipa ayokmo kikajki ma kiyakana. Yeka, Jehová ayokmo kikauilik ma tlanauati, uan kiiljuik Samuel ma kitlapejpeni David kej tlanauatijketl. Maske Saúl tlauel kikokoliyaya David uan miakpa kinejki kimiktis, ya amo kema momakuepki. Jonatán, ikone Saúl, kimatiyaya Jehová kitlapejpenijtoya David, yeka nochipa kipaleuik. Maske David tlajtlakolchijki, nochipa kikajki Jehová ma kitlalnamikti. Tlaj tikinpia mokoneuaj, xikinpaleui ma kiitakaj tlauel ipati tijchiuasej nochi tlen toTeotsij technauatia.
TLEN NIKAJ ONKA
TLAMACHTILI 39
Katli achtoui tlanauatik ipan Israel
ToTeotsij kintlalik tetlajtolsenkauanij katli kinyakanaskiaj israeleuanij. Teipa inijuantij kinejkej se inintlanauatijka. Samuel kitekilik aceite Saúl katli achtoui tlanauatiskia. ¿Kenke teipa toTeotsij ayokmo kikajki Saúl ma tlanauati?
TLAMACHTILI 40
David uan Goliat
Jehová kitlapejpenik David ma tlanauati ipan Israel, uan David kinextik eliskia se kuali tlanauatijketl.
TLAMACHTILI 41
David uan Saúl
Se tlakatl katli mosisiniyaya kikualankaitak se tlakatl katli kuali iyolo. ¿Tlake kichijki nopa tlakatl katli kuali iyolo?
LESSON 42
Jonatán amo majmajki uan amo tetlauelkajki
Ikone tlanauatijketl Saúl tlauel kuali mouampojchijki iuaya David.
TLAMACHTILI 43
David tlajtlakolchijki
Tlaj amo kuali tijtlapejpenisej tlen tijchiuasej tijpiasej miak kuesoli.
