Nikan peua sección 7
Itech ninmej tlamachtilmej tikitaskej inemilis ueyi tekiua Saúl uan ueyi tekiua David, moijtoa tlen opanok itech kanaj 80 xiuitl. Saúl okatka yolyamanki uan okitlakamatiaya Jehová. Pero satepan okipatlak iyelis uan ayakmo okikauili Jehová ma kiyekana. Saiktlami, Jehová ayakmo okiseli uan okilui teotlajtojki Samuel ma kipejpena David para yetoskia yankuik ueyi tekiua itech Israel. Saúl okinexikolitaya David uan miak uelta okinekiaya kimiktis. Pero David amo keman omomakuepki. Ikone Saúl tlen omotokayotiaya Jonatán, okimatiaya Jehová okipejpenki David, ik non, nochipa okipaleui. Maski satepan David otlajtlakolchi, okikauili Jehová ma kiyektlali. Tla tikinpia
mokoneuan, xikinmititi miak ipati ma kitlakamatikan nochi tlen kijtoa toTajtsin Dios.ITECH NIN SECCIÓN
TLAMACHTIL 39
Achto ueyi tekiua itech Israel
Totajtsin Dios okintlali jueces para ma kinyekanakan israelitas pero yejuan okinekiayaj se ueyi tekiua. Samuel okipejpenki Saúl ken achto ueyi tekiua, pero ¿tleka satepan Jehová ayakmo okinek Saúl ma tlanauati?
TLAMACHTIL 40
David okitlanili Goliat
Jehová okijto David yetoskia yankuik ueyi tekiua itech Israel uan David okiteititi kuali tlanauatiskia.
TLAMACHTIL 42
Jonatán okatka yolchikauak uan nochipa okipaleui David
Ikone Saúl kuali omouikaya iuan David.