Efalomo lyoshitopolwa oshi-7
Oshitopolwa shika otashi popi kombinga yOmukwaniilwa Saul nOmukwaniilwa David, mboka ya li ya pangele omimvo 80 lwaampono adhihe kumwe. Petameko, Saul okwa li omwiifupipiki noha tila Kalunga, ihe konima okwa lunduluka e ta tindi okulandula omalombwelo gaJehova. Jehova ka li we e mu hokwa, nomokweendela ko kwethimbo, okwa li a lombwele Samuel a ka gwayeke David oye a ninge omukwaniilwa gwaIsrael a landula ko. Saul ngoka a li e na ondumbo, okwa kambadhala lwiikando a dhipage David, ihe David ka li nando e mu shunithile uuwinayi. Jonatan, omwanamati gwaSaul, okwa li e shi shi nawa kutya David oye a hokiwa kuJehova. Onkee ano, okwa kala omudhiginini kuDavid. Nonando David okwa li a yono omayono ga kwata miiti, ka li a tindi okutaamba ko epukululo lyaJehova. Ngele ngoye omuvali, kwathela omumwoye a mone nkene sha simana okukala aluhe ta ambidhidha omalongekidho gaJehova.
MOSHITOPOLWA SHIKA
OSHIILONGOMWA 39
Omukwaniilwa gwotango gwaIsraeli
Kalunga okwa li a pe Aaisraeli aatokolihapu ye ya wilike, ihe Aaisraeli oya li ya pula ya pewe omukwaniilwa. Samuel okwa li a gwayeke Saul a ninge Omukwaniilwa gwotango gwaIsraeli, ihe konima yethimbo Jehova ka li we a hokwa Saul. Omolwashike mbela?
OSHIILONGOMWA 40
David naGoliat
Jehova okwa hogolola David a ninge omukwaniilwa gwaIsraeli a landula ko, na David oku ulike kutya ye omukwaniilwa omwaanawa.
OSHIILONGOMWA 41
David naSaul
Omolwashike omulumentu gumwe a li e tonde mukwawo, naangoka a li e tondike okwi inyenge ngiini?
OSHIILONGOMWA 42
Jonatan okwa li ependafule nomudhiginini
Omwanamati gwomukwaniilwa okwa ningi kuume kopothingo kaDavid.
