Mapaceryiho a Nikupa 7
Nikupa nla ninnaloca miyaha sa iyaakha 80 seiyo Sawuli ni Tavite yaaraaya mamwene. Wuupaceryani, Sawuli aari awiiyeviha ni aanamoova Muluku, nyenya ohoolo waya aatorokeya anakhooca ochariha ohoolela wa Yehova. Yehova aamukhooca, ohoolo waya aamuleela Samuwele wi amuthanle Tavite wi akhale Mwene a Isarayeli. Nrima na Sawuli naamweeriha ochuna omwiipha Tavite, nyenya Tavite haakookiherya yoonanara. Mwaana a Sawuli Yonata, aasuwela wi Yehova aamuthanla Tavite, mwa yeeyo aari oororomeleya wa yoowo. Tavite aapaka soocheka, nyenya aaheemererya olaka wa Yehova. Mwaari tiithi, mmukhaviherye mwaninyu woona ochuneya waya ochariha marehereryo a Muluku.
MU NIKUPA NENLA
MWAHA 39
Mwene Oopacerya a Isarayeli
Muluku aahaavaha Aisarayeli amuthoriha wi yaahooleleke, nyenya awo yamuchuna. Samuwele aamuthanla Sawuli wi akhale mwene oopacerya, nyenya ohoolo waya Yehova aamukhooca Sawuli. Ntakhara heeni?
MWAHA 40
Tavite ni Koliyati
Yehova aamuthanla Tavite wi akhale mwene o Isarayeli nave Tavite aahooniherya mikhalelo saphaama.
MWAHA 41
Tavite ni Sawuli
Ntakhara heeli alopwana ala apiili mmoha aanamwiica mukina, nave tiheeni enreiye yoowo iiciwa?