Itech tlen tlajtos sección 7
Yejuin sección tlajtos itech inemilis tekiuaj Saúl niman tekiuaj David, ouejkauj kanaj 80 xiuitl. Kachtopa, Saúl yolyemanki katka niman kimojkaitaya toTajtsin, san ika, yejua nimantsin onopatlak niman xok okinek kitlakamatis itlayekanalis Jehová. Kuakon Jehová xok iuan onouikak niman okijli Samuel makitlapejpeni David ken akin tekiuajtiskia ipan Israel. Pampa Saúl kinexikolitaya David miyekpa okiyejyeko kimiktis, san ika, David xkeman onotlakuepilti. Jonatán, ikoneuj Saúl, kimatstoya ika Jehová yokitlapejpenijka David, ika yejon, xkeman okikauj. Maski David okichiuj uejueyimej tlajtlakoltin, nochipa onokauili Jehová makiyektlali. Tla tikinpiya mokoneuan xkinpaleui makitakan ika melak noneki nochipa manotlakamati ken tlayekana toTajtsin.
IPAN YEJUIN SECCIÓN
TLAMACHTIJLI 39
Kachtopa tekiuaj ipan Israel
ToTajtsin okinmakak israelitas jueces akin makinyekanakan, san ika, yejuamej okitlajtlankej se tekiuaj. Samuel okitlapejpeni Saúl ken kachtopa tekiuaj, sakin Jehová xok okiseli Saúl. ¿Tleka?
TLAMACHTIJLI 40
David niman Goliat
Jehová kitlapejpenia David ken akin tekiuaj yes ipan Israel, niman David teititia ika yes se kuajli tekiuaj.
TLAMACHTIJLI 41
David niman Saúl
Se tlakatl xkuajli kitlauelita se akin yolkuajli, ¿kenon tlanankilia akin kichiua tlen kuajli?
TLAMACHTIJLI 42
Jonatán katka yolchikauak niman yolmelaujki
Ikoneuj tekiuaj melak kuajli iuan onouikak David.