Karolo ye e re botša ka bophelo bja Kgoši Saulo le Kgoši Dafida. E bolela ka ditiragalo tšeo di tšerego mengwaga yeo e ka bago e 80. Ge Saulo a be a thoma go buša, o be a ikokobeditše e bile a theetša Modimo, eupša o ile a fetoga gomme a thoma go se sa theetša Jehofa. Jehofa o ile a se sa mo thekga, gomme ge nako e dutše e eya, a botša Samuele gore a kgethe Dafida gore e tle e be kgoši e latelago ya Isiraele. Saulo o ile a galefa gomme a leka gantši go bolaya Dafida, eupša Dafida ga se a ka a itefeletša. Morwa wa Saulo e lego Jonathane o ile a thekga Dafida ka ge a be a tseba gore o kgethilwe ke Jehofa gore e tle e be kgoši. Dafida o ile a dira dibe tše dikgolo, eupša ga se a ka a gana ge Jehofa a be a mo kgalemela. Ge e ba o le motswadi, thuša ngwana wa gago go bona gore go bohlokwa gore re dule re thekga dithulaganyo tša Modimo.