Onthele ei ipopia ehipululo lio Hamba Saulu no Hamba David momanima 80. Tete, Saulu ankho weliola omutima nokuna onthilo na Huku, mahi konyima apiluluka liwa-liwa ayekepo okulandula ehongolelo lia Jeova. Jeova wanya Saulu iya atumu Samuele opo alembule David akale ohamba onkhuavo yo Isilayeli. Mokonda yelungavi Saulu ahande okuipaa David, mahi nalumwe David aovolele okumukondolela. Omona wa Saulu, Jonatan etyimono okuti David waholovonwa na Jeova iya ngwe akala omukuatyili ku David. David walingile onkhali onene, mahi nalumwe aanyene onondonga mba Jeova. Inkha una ovana, vekuatesako okuimbuka okuti okutavela onondonga mba Huku otyipuka tyakolela vali.