Oghọn ọnana ọ ta kpahen ikuegbe Orodje Saul ọrhẹ Orodje David, ekwakwa enana i phiare uvwre ẹgbukpe 80. Ukukaro, Saul ọ homariotọre, ọ jeghwai zofẹn Osolobrugwẹ, ọrẹn o jiri-i, no wenerin, orho kwe nyalele ọkpọvi Jehova-a. Ọke ro jiribẹn, Jehova nọ tiẹn Saul, nọ jeghwai ta rẹn i Samuel nọ ha i David mwu no rhiẹ Orodje ro no sun i Israel. Saul nọ rioma, nọ damoma ọgbọ buebun nọ sabu kpe i David, ọrẹn David o ruie kele-e. Ọmọ i Saul rẹ odẹ ye o rhiẹ i Jonathan o rheri taghene i David yi Jehova ọ djẹre, omarana, no vwo atamwu kpahen i David. David o ruẹ edandan eghwaghwa, ọrẹn, ọ tiẹn ọghwọghwu i Jehova-a. Orhianẹ wẹwẹ ọmiọmọ, ha userhumu rẹn ọmọ ọnọ, nọ mẹrẹn ọghanromẹ ra na hobọtua ẹkwaphiẹrhotọre i Jehova ọke ephian.