Ацы хайы дзырд цӕуы, 80 азы дӕргъы паддзах Саулыл ӕмӕ паддзах Давидыл цы хабӕрттӕ ӕрцыд, ууыл. Саул уыд сӕрныллӕг адӕймаг ӕмӕ Хуыцауӕй тарсти. Фӕлӕ фӕстӕдӕр Йегъовӕйы коммӕ нал каст. Уӕд Йегъовӕ Самуилӕн загъта, цӕмӕй Израилы ног паддзахӕй Давиды сӕвӕрдтаид. Саул Давидмӕ хӕлӕг кодта, ӕмӕ йӕ бирӕ хӕттыты марынмӕ дӕр хъавыд. Фӕлӕ дзы Давид йӕ маст никуы райста. Саулы фырт Ионафан Давидыл уыд иузӕрдион. Уый зыдта, Йегъовӕ йӕ паддзахӕй кӕй равзӕрста. Давид цалдӕр стыр тӕригъӕды сарӕзта, фӕлӕ-иу Йегъовӕйы зондамындмӕ байхъуыста. Ныййарджытӕ, уӕ сывӕллӕттӕн бамбарын кӕнут, ахсджиаг кӕй у, цӕмӕй Хуыцаумӕ ӕмӕ нын разамынд кӕй уылты дӕтты, уыдонмӕ хъусӕм ӕмӕ сыл иузӕрдион уӕм.