Näꞌä ma gä pädihu̱ ha rä sección 7
Ha nunä sección ma gä pädihu̱ mi tengu rä mꞌu̱i rä rey Saúl ꞌne rä rey David. Nuya yä thogi di abarca ngu 80 yä je̱ya. Ri mu̱di, Saúl xa mi rä umilde ꞌne xa mi rä hogä yꞌo̱de, pe mꞌe̱fa bi zo̱ho̱ bi ꞌñexmänsu. Po rängeꞌä, Jeoba bi yꞌapäbi rä profeta Samuel dä huahni David, pa go xä nrey ha rä hnini Israel. Saúl xa bi me̱ꞌspäbi rä embidia David, hänge ndunthi yä mꞌiki bi tsapi dä hyo. Pe mäske njabu̱, David himbi tsapi dä benga. Jonatán, näꞌä rä tꞌu̱ Saúl, mi pädi ge Jeoba go xki huahni David pa dä nrey, hänge nzäntho bi ꞌmu̱i de rä lado. Mäske David bi yꞌo̱tꞌe yä däta pekado, näꞌä nzäntho bi hñäni rä disciplina Jeoba. Mu̱ nuꞌi gi pe̱ꞌtsi yä bätsi, fatsꞌi pa dä hyandi por hanja xa mähyoni gä o̱tehu̱ Jeoba.
HA NUNÄ SECCIÓN
RÄ NTHEKE 39
Rä mu̱di rey ha Israel
Jeoba ya xki hñutsꞌi yä nzaya pa dä gu̱hni yä israelita, pe nuꞌu̱ bi yꞌadi nꞌa rä rey. Hänge Jeoba bi hñutsꞌi Saúl de gä rey, pe mꞌe̱fa ya himbi numäñho.
RÄ NTHEKE 40
David ꞌne Goliat
Jeoba bi huahni David de gä rey, ngeꞌä mi pädi ge näꞌä ma xä mända xä ñho.
RÄ NTHEKE 41
David ꞌne Saúl
Saúl xa mi u̱tsa David ꞌne mi honi pa dä hyo. David bi me̱ꞌtsi rä oportunida de dä hyo Saúl. Pe, ¿por hanja himbi hyo?
RÄ NTHEKE 42
Jonatán himi tsu ꞌne xa mi mädi David
Jonatán, näꞌä rä tꞌu̱ rä rey Saúl, xa mi pe̱ꞌtsi nꞌa rä hogä ntsitsꞌi ko David.
RÄ NTHEKE 43
Rä rey David bi yꞌo̱tꞌe nꞌa rä pekado
David bi thogi po ndunthi yä xuñha po näꞌä pekado bi yꞌo̱tꞌe.