Introduksion ed Seksion 7
Nabasa ed sayan seksion so istoryay bilay nen Arin Saul tan Arin David, ya agawa ed loob na manga 80 ya taon. Nen unona, si Saul et mapaabeba tan walay takot tod Dios, balet anguman ya tampol tan agto inunor iray bilin nen Jehova. Kanian agla benendisyonan nen Jehova si Saul, tan ingganggan toy Samuel ya lanaan toy David pian sikatoy onsublay ya ari na Israel. Nainggit si Saul kanian aminpiga ton sinalin pateyen si David, balet agbalot binmawi si David. Amta nen Jonatan ya anak nen Saul ya si David so pinili nen Jehova, kanian sikatoy nanmatoor ed si David. Akagawa si David na grabe iran kasalanan, balet inawat toy disiplina nen Jehova. No sakey kan ateng, tulongan moy anak mo ya natalosan ton importante ya lanang tayon suportaan iray uksoyan na Dios.
DIAD SAYAN SEKSION
LEKSION 39
Say Unonan Ari na Israel
Nampili so Dios na saray ukom pian magmaliw ya lider na saray Israelita, balet say labay da et ari. Nilanaan nen Samuel si Saul bilang unonan ari, balet sinmabi panaon et inekal nen Jehova ya ari si Saul. Akin?
LEKSION 40
Si David tan si Goliat
Pinili nen Jehova si David ya onsublay ya ari na Israel, tan impanengneng nen David ya sikatoy karapat-dapat.
LEKSION 41
Si David tan si Saul
Akin ya say sakey ed sikara et binusol to may sakey, tan antoy ginawa to may sakey ya binusol?
LEKSION 43
Say Kasalanan nen Arin David
Say sakey ya aliwan dugan desisyon et manresulta ed dakel ya problema.