Enleidunk fa daut 7. Poat
Dit Poat rät von eene Tiet von ojjefäa 80 Joa, aus de Kjennich Saul un de Kjennich David läwden. Aum Aunfank wia Saul deemootich un gottesferchtich, oba boolt endad dee sikj un wull Jehova nich mea jehorchen. Jehova wull dän nich mea toom Kjennich haben un hee säd to Samuel, dee sull David toom näakjsten Kjennich en Israel ensaulwen. Saul wia David aufjenstich un proowd dän foaken doottomoaken. David deed sikj kjeenmol rajchnen. Saul sien Sän Jonatan wia David tru; hee wist, Jehova haud dän jewält. David bejinkj schwoare Sinden, oba hee leet sikj emma von Jehova trajchtwiesen. Wan jie Kjinja haben, dan halpt dee to vestonen, daut eena daut emma saul unjastetten, waut Gott entscheiden deit.
EN DIT POAT
KAPITEL 39
De ieeschta Kjennich en Israel
Gott haud de Israeliten Rechtasch jejäft toom dee leiden, oba dee wullen eenen Kjennich. Samuel deed Saul ensaulwen, daut dee Kjennich sennen sull. Wuarom wull Jehova dän lota nich mea toom Kjennich?
KAPITEL 40
David un Goliat
Jehova wäld David, daut dee sull en Israel de näakjsta Kjennich sennen, un daut wees sikj ut, daut hee een gooda Kjennich sennen wudd.
