Cai partepica Rey Davidpaj, Saulpaj causaimantami yachashun. Casi 80 huatacunamantami parlan. Callaripica Saulca humilde, Diosta cazujmi carca. Pero asha tiempo qꞌuipaca paita ña mana cazujpimi Diosca paimanta caruyarca. Chaimantami Samueltaca David israelitacunapaj mushuj rey cachun paita aceitehuan umapi churagrichun mandarca. Saulca Davidta envidiashpami achca cutin huañuchisha nirca. Pero Davidca mana chashnallataj tigrachircachu. Saulpaj churi Jonatanca Davidta rey cachun Jehová agllashcatami yacharca. Chaimantami paita cꞌuyashcamanta tucuipi ayudarca. Davidca jatun juchacunapi urmashpapish arrepintirishpami Diospaj consejocunata cazushpa causarca.  Huahuacunata charishpaca Diosta cazunaca tucuimanta yalli valishca cashcata yachachi.