Mafala Akutoma a Khundu 7
Misolo inatowera isalonga pya mbiri ya Mambo Sauli na Mambo Dhavidhi yakuti yacitika mu pyaka cifupi 80. Pakutoma Sauli akhali wakucepeseka mbagopa Mulungu, mbwenye mwakukhonda dembuka acinja mbakhonda kubvera citsogolero ca Yahova. Yahova akhonda Sauli, mbapanga Samweli toera kudzodza Dhavidhi kuti akhale mambo mupswa wa Israeli. Thangwi ya ntcanje, Sauli ayesera maulendo mazinji toera kupha Dhavidhi, mbwenye Dhavidhi cipo abwerezera uipi. Mwana wa Sauli, Yonatani akhadziwa kuti Dhavidhi asankhulwa na Yahova, na thangwi ineyi akhali wakukhulupirika kuna Dhavidhi. Dhavidhi acita madawo mangasi, mbwenye iye cipo akhonda kusandikwa na Yahova. Khala
ndimwe nyakubala, phedzani mwananu toera kuona kufunika kwa kuphedzera masasanyiro a Yahova ndzidzi onsene.MU KHUNDU INO
NSOLO 39
Mambo Wakutoma wa Israeli
Mulungu akhadapasa Aisraeli atongi toera kuatsogolera, mbwenye iwo aphemba mambo. Samweli adzodza Sauli ninga mambo wakutoma, mbwenye mukupita kwa ndzidzi Yahova akhonda Sauli. Thangwi yanji?
NSOLO 40
Dhavidhi na Goliati
Yahova asankhula Dhavidhi toera kukhala mambo wakutowerera wa Israeli, pontho Dhavidhi apangiza kuti thangwi yanji pikhali pyadidi kuti akhale mambo.
NSOLO 41
Dhavidhi na Sauli
Thangwi yanji m’bodzi mwa amuna anewa akhaida ndzace, pontho thangwi yanji kuida kwa unango kwathowa?
NSOLO 42
Yonatani Akhali Wacipapo na Wakukhulupirika
Mwana wa mambo adzakhala xamwali wadidi wa Dhavidhi.