අවුරුදු 80ක් විතර කාලයක් තිස්සේ සාවුල් රජගෙත් දාවිත් රජගෙත් ජීවිතවල වුණු සිද්ධීන් මේ කොටසේ විස්තර කරනවා. සාවුල්, දෙවිට ගරුබිය දක්වපු, නිහතමානී කෙනෙක්. ඒත් පස්සේ එයා දෙවිගේ මඟ පෙන්වීම් පිළිගත්තේ නැහැ. යෙහෝවා දෙවි එයාව රජකමෙන් අයින් කරලා දාවිත්ව රජ විදිහට අභිෂේක කරන්න කියලා සාමුවෙල්ට කිව්වා. ඊර්ෂ්‍යාවෙන් හිටපු සාවුල් කීප සැරයක්ම දාවිත්ව මරන්න හැදුවත් දාවිත් පළිගත්තේ නැහැ. යෙහෝවා දෙවි තෝරගෙන තියෙන්නේ දාවිත්ව කියලා දැනගෙන හිටපු යොනාතාන් දාවිත්ට ළැදිව හිටියා. දාවිත් අතින් බරපතළ වැරදි වුණත් දෙවි හික්මවීම් දෙද්දී එයා ඒවා පිළිගත්තා. දෙවි කියන විදිහට වැඩ කරන එක කොච්චර වැදගත්ද කියලා තේරුම්ගන්න දරුවාට උදව් කරන්න.