Gafa 7 Bitima
Kuni gafi mito 80 diro ikkitanno yanna giddo woˈmitinota Moote Saaoolinna Moote Daawiti xagge kulanno. Umi qara Saaooli umosi heeshshi assannohonna Magano waajjannoho; ikkollana isi shiima yanna gedensaanni Yihowa biddishsha harunsa giwino. Yihowa Saaooli agure, Saamueeli Daawiti Israeelete moote asse shoomanno gede kulinosi. Saaooli tennera hinaase Daawiti shaate duucha hige woˈnaalino; Daawiti kayinni iso dirabbisiˈrino. Saaooli beetti Yoonaataani, Yihowa doorinohu Daawiti ikkinota afino daafira, isira ammanamino. Daawiti lowo cubbo loosino woyiti nooha ikkirono, Yihowa amaalinosi amaale adha digiwino. Ooso iloottoha ikkiro, qaaqqikki woˈmanka woyite Yihowaranna Isi doorino mannira hajajamanna ammanama hasiissannosihu mayiraatiro huwatanno gede kaaˈli.
KONNI GAFIRA
Umiha Israeelete Moote
Maganu Israeelete massagaancho shoominonsaha ikkirono, insa moote hasidhino. Saamueeli, Saaooli moote asse shoomino. Ikkollana yannate gedensaanni Yihowa Saaooli moote ikkannota hoolino. Mayira?
Daawitinna Gooliyaadi
Yihowa Daawiti Israeelete moote ikkano gede buurino; Daawiti assinori isi moote ikke buuramasi gara ikkitinota leellishanno.
Daawitinna Saaooli
Saaooli Daawiti giwinohu mayiraati? Daawiti kayinni maa assino?
Worbanna Ammanamino Mancho Yoonaataani
Mootete beetti Daawitira lubbote jaala ikkino.
Moote Daawiti Cubbo Loosi
Bushare assa shollishshanno.
