Fampilira amy Fizarà Faha-7
Raha niseho tanatini-80 tao eo ho eo ro voaresaky amy fizarà toy. Tantaraniny atoa ty fiainani-Saoly Mpanjaka noho Davida Mpanjaka. Niambany tse Saoly sady natahotsy a Ndranahary, fe niova ie lafa tafara atoy le tsy nety nanoriky ty safàni-Jehovah. Farany ie tsy nekeni-Jehovah ho mpanjaka sasy. Nirahini-Jehovah amy zay Samoela mba hanosotsy ani-Davida ho mpanjaka handimby ani-Saoly. Fa imaro Saoly ro niezaky namono ani-Davida, satria nialona azy. Fe tsy namaly faty mihintsy Davida. Nihaini-Jonatana, anakilahini-Saoly iny
hoe Jehovah ro nifily ani-Davida, ka tsy nivaliky taminy ie. Nanao fahotà bevata Davida, fe naneky hanarini-Jehovah avao. Ampeo ty anakinao hahita hoe vatan-draha avao ty manaraky ty fandahara natao-Ndranahary.AMY FIZARÀ TOY
FIANARA FAHA-39
Mpanjakani-Israely Voalohany
Ty mpitsara ro nirahi-Ndranahary hitariky ty Israelita, fe ta hana mpanjaka rozy. Nihosorani-Samoela ho mpanjaka Saoly, fe tsy nataoni-Jehovah mpanjaka sasy ie lafa tafara atoy. Ino ty antony?
FIANARA FAHA-40
Davida Noho Goliata
Davida ro nifilini-Jehovah ho mpanjakani-Israely manaraky, le natoroni-Davida hoe nahay nifily Jehovah.
FIANARA FAHA-41
Davida Noho Saoly
Manino ty raiky amy lahilahy reo ro nalay ani-azy raiky iny, le ino ty nataoni-azy raiky nalay iny?
FIANARA FAHA-42
Nahasaky Raha Jonatana Sady Tsy Nivaliky
Nanjary mpinama biby anakilahini-mpanjaka iny noho Davida.