Kenyeletso ya Karolo ya 7
Karolong ena re tla bua ka histori ya Morena Saule le Morena Davida, e qetileng lilemo tse 80. Qalong, Saule o ne a ikokobeditse ebile a mamela Jehova, empa ha nako e ntse e ya, a fetoha yaba ha a sa mamela Jehova. Kahoo, Jehova a re Samuele a tlotse Davida hore e be morena e motjha wa Iseraele. Saule o ne a e na le mona, kahoo a leka ka makgetlo ho bolaya Davida, empa Davida ha aa ka a iphetetsa. Mora wa Saule ya bitswang Jonathane o ne a tseba hore Davida o kgethilwe ke Jehova, kahoo a rata Davida. Davida o ile a etsa dibe tse tebileng leha ho le jwalo ha aa ka a kwata ha Jehova a mo kgalemela. Haeba o motswadi, thusa ngwana hore a bone bohlokwa ba ho mamela Jehova.
KAROLONG ENA
THUTO YA 39
Morena wa Pele wa Iseraele
Modimo o ne a behile baahlodi hore ba etelle Baiseraele pele, empa bona ba re ba batla morena. Samuele o tlotsa Saule hore ebe morena wa pele, empa hamorao Jehova o lahla Saule. Hobaneng?
THUTO YA 40
Davida le Goliathe
Jehova o kgetha Davida hore e be yena morena ya hlahlamang Saule, mme Davida o a bontsha hore na ke hobaneng ha a kgethuwe.
THUTO YA 42
Jonathane o ne a le Sebete Ebile a Tshepahala
Mora wa morena e ne e le motswalle wa hlooho ya kgomo le Davida.
