Bageang ini nẹ̌běke apa nariadi karěngụe 80 su taunge, ene kai soal u Datu Saul dingangu Datu Daud. Humotong, i Saul masanạ naung dingangu matuhụ su Mawu. Katewe samurine i sie tawe timuhụ. Yehuwa madiri ene, kụ i Sie něngoro si Samuel pěhengkẹ si Daud makoạ datung Israel tuhụe. Ual᷊ingu iri, Saul pirang sul᷊ẹ mapulu měmate si Daud, katewe i Daud tawe němal᷊isẹ̌. Yonatan anạ i Saul masingkạ Yehuwa němile si Daud, hakị u ene i sie masatia si Daud. Daud bọu někoạ pẹ̌sasal᷊a gěguwạ. Katewe su tempong Yehuwa něněgorẹ̌ si sie, i sie dimaringihẹ̌. Mạeng i kau piạ anạ, tul᷊ungko i sie makaěna i kitẹ harusẹ̌ turusẹ̌ tumuhụ dingangu masatia si Yehuwa dingangu su taumata seng nipile-Ne.