Vegher ne time sha kwagh u uma u Tor Saulu man Tor Davidi. A ôr kwagh u yange za hemen ken uma u iorov mba uhar mban ken atô u anyom 80 yô. Sha hiihii la, Saulu lu or u hiden a iyol ijime shi cian Aôndo, kpa ica gba ga tsô gema inja shi venda u dondon kwaghwan u Yehova. Nahan Yehova venda un. Shighe kar yô, Yehova kaa a Samuel ér a za haa Davidi mkurem sha ityou sha er una va tema tor sha Iserael yô. Kwagh ne na yô, Saulu er Davidi iyuhe je nôngo acin imôngo ér una wua Davidi, kpa mayange Davidi ker u bulan Saulu ga. Yonatan, wan u Saulu u nomso gema fa er Yehova tsua Davidi yô, nahan a ya ijende a Davidi taveraa. Davidi yange er asorabo a vesen, kpa hanma shighe yô, a lumun ér Yehova a tsaha un. Wea lu ormaren yô, wase wan wou u nengen er i doo u nana eren kwagh sha inja sha inja, er Aôndo a tese la yô.