Şu bölümde Şawul bilen Dawut patyşanyň ýaşan döwri barada aýdylýar. Onda 80 ýylyň içinde bolan wakalar gürrüň berilýär. Başda Şawul patyşa pesgöwünli adamdy, Hudaýdan gorkýardy. Ýöne soň tekepbir bolýar. Hudaýyň tabşyryklaryna gulak asman başlaýar. Ýehowa hem Şawuldan ýüz öwürýär. Soňra Şamuwel pygambere Dawudy Ysraýyla patyşa bellemegi tabşyrýar. Şawul Dawuda göriplik edýär. Ony birnäçe gezek öldürjek bolýar. Ýöne Dawut ondan hijem ar almaýar. Şawulyň Ýonatan atly ogly bardy. Ol Ýehowanyň Dawudy patyşa belländigini bilýärdi. Şonuň üçin Ýonatan Dawuda hemişe wepaly boldy. Elbetde, Dawut hem durmuşda ýalňyşýar, agyr günä edýär. Ýöne Ýehowa oňa temmi berende, günäsini boýun alýar we toba edýär. Ene-atalar, çagalaryňyza Ýehowa we onuň bellän adamlaryna hemişe gulak asyp, wepaly bolmalydygyny düşündiriň.