Mbɔtwɛlɔ ka Etenyi 7
Etenyi kɛnɛ tɛkɛtaka dia ɛkɔndɔ wa lɔsɛnɔ wa nkumekanga Saolo ndo wa nkumekanga Davidɛ l’edja k’ɛnɔnyi oko 80. L’etatelo, Saolo aki l’okitshakitsha ndo akokaka Nzambi wɔma, koko nde akayotshikitana ndo akayotona ndjela ɛlɔmbwɛlɔ ka Jehowa. Jehowa akootone ndo akayotɛka Samuɛlɛ dia tɔsɔna Davidɛ oko nkumekanga k’oyoyo k’Isariyɛlɛ. Saolo laki la kandjema akayange mbala efula dia ndjaka Davidɛ, koko ndooko lushi lakayange Davidɛ nsɔmbɔya. Jɔnatana y’ɔna Saolo akeyaka dia Jehowa akasɔnɛ Davidɛ, diakɔ diakinde la kɔlamelo le Davidɛ. Davidɛ akasale pɛkato mɔtshi ya weke, koko ndooko lushi lakandatone engwelo ka Jehowa. Naka wɛ ekɔ ombutshi, kimanyiya ɔnayɛ dia mɛna ohomba wa sukɛka tɛdikɔ taki Nzambi.
LO ETENYI KƐNƐ
Nkumekanga ka ntondo k’Isariyɛlɛ
Nzambi akasha ase Isariyɛlɛ toshushi dia mbaalɔmbɔla, koko vɔ wakayange dia monga la nkumekanga. Samuɛlɛ ambɔsɔna Saolo oko nkumekanga ka ntondo, koko l’ɔkɔngɔ diko Jehowa ambotona Saolo. Lande na?
Davidɛ la Ngɔliyatɛ
Jehowa ambɔsɔna Davidɛ dia monga nkumekanga k’oyoyo k’Isariyɛlɛ ndo Davidɛ ambɛnya dia nde kokaka.
Davidɛ la Saolo
Lande na kakahetsha pami kɛmɔtshi onto okina ndo shɛngiya yakɔna yonga la lohetsho l’onto?
Jɔnatana aki la dihonga ndo la kɔlamelo
Ɔna nkumekanga akakome ɔngɛnyi wa Davidɛ w’oshika.
Pɛkato ka nkumekanga Davidɛ
Yɛdikɔ ya kɔlɔ konyaka lo efukutanu efula.
