Karolo eno e bua ka hisitori ya dingwaga di ka nna 80 ya botshelo jwa ga Kgosi Saulo le Kgosi Dafide. Saulo o simolotse e le motho yo o sa itseeleng kwa godimo mme fa nako e ntse e ya o ile a fetoga a bo a gana go reetsa Jehofa. Jehofa o ne a laela Samuele gore a ye go tlhopha Dafide gore e nne kgosi e e latelang ya Iseraele. Saulo o ne a fufegela Dafide, ka jalo, o ne a leka makgetlo a le mantsi go mmolaya mme Dafide ga a ka a leka go ipusolosetsa. Ngwana wa ga Saulo e bong Jonathane ga a ka a fufegela Dafide ka gonne a itse gore Jehofa o tlhophile Dafide go nna kgosi. Dafide o ile a dira maleo a a tlhabisang ditlhong mme ga a ka a gana go ikobela Jehofa. Fa e le gore o na le bana, ba thuse go bona botlhokwa jwa go ikobela dithulaganyo tsa Modimo.