Malito nyo tule nya gipandre 7
Gipandre gegi gi na ganeya khu matimo ya Pfhumu Sawule ni Dhavhidhe, ma gu na ni tanga nya 80 myaga. Gupheyani, Sawule a diri muthu nya gudzinogise ni gu engisa Nungungulu. Ganiolu, kha hweya gu vbindrugedza a pheya gu mba landreya sileleto sa Jehovha. Khu gu gimbiya nya tepo, Jehovha a di mu diga, a embeya Samuweli gu khuye a todza Dhavhidhe gasi a khala pfhumu ya Israyeli yi na tshikedzago Sawule. Khu kotani nya wufo, Sawule a di zama gu songa Dhavhidhe khu dzitepo nya dzingi, ganiolu Dhavhidhe gima kha tshuka a vbweta gu dzi phodzeya. Jonatane, gyanana gya Sawule, a di wona gu khuye Jehovha a di hathide Dhavhidhe gasi a khala pfhumu, khu kharato, Jonatane a di tumbega ga Dhavhidhe. Dhavhidhe a di gira sighoho nya sikhongolo, ambari ulolo, kha bomba gu
kawukwa khu Jehovha. Wo ba uri muvelegi, phasa sanana sago gu wona lisima nya gu engise Jehovha tepo yatshavbo, si tumbega gwaye ni gu seketeya ava a va hathago gasi gu thangeya.AVBA NYA GIPANDRE GEGI
GIHEVBULO 39
Pfhumu nyo pheye Israyeli
Nungungulu a di emiside valamuli gasi gu thangeya Vaisrayeli, ganiolu avo va di gu vbweta pfhumu. Samuweli todzide Sawule gasi gu khala pfhumu nyo pheye, ganiolu khu gu gimbiya nya tepo Jehovha a di bomba gu Sawule a simama kha nga pfhumu. Khu ginani?
GIHEVBULU 40
Dhavhidhe ni Gholiya
Jehovha a hatha Dhavhidhe gu khala pfhumu ya Israyeli, nigu Dhavhidhe a yeyedzide gu khuye a diri pfhumu nya yadi.
GIHEVBULO 41
Dhavhidhe ni Sawule
Khu ginani Sawule a nga ba a nyenya Dhavhidhe nigu ginani a giridego Dhavhidhe?
GIHEVBULO 42
Jonatane a diri mwama nyo tiye hwambo ni gu tumbega
Gyanana gya pfhumu gyo khala pari nya yikhongolo ya Dhavhidhe.