I roto i teie tuhaa, e itehia te aamu o te arii Saula e o te arii Davida, i roto e 80 matahiti. Na mua roa, ua faatupu Saula i te haehaa e ua mǎtaˈu oia i te Atua. Ua taui oioi râ oia e ua patoi oia i te pee i te aratairaa a Iehova. Ua faarue Iehova ia ˈna e i te taime tano, ua faaue oia ia Samuela ia faatahinu ia Davida ei arii no Iseraela. No to ˈna pohehae, ua tamata Saula i te haapohe ia Davida e rave rahi taime. Aita roa ˈtu râ Davida i tahoo atu. Ua ite Ionatana, te tamaiti a Saula, e ua maiti Iehova ia Davida. Ua vai taiva ore ïa oia ia Davida. Ua hara rahi Davida. A aˈo ai Iehova ia ˈna, aita roa ˈtu Davida i patoi i te reira. E metua anei oe? A tauturu i ta oe tamarii ia ite i te faufaaraa ia pee noa i te aratairaa a te Atua.